لحن قديم ساخن بين أبومديده & فؤاد بن عايش الجحدلي 24/6/2007

دار هذا اللحن القديم
في 24 / 6 / 2007
بين كلآ من أخوكم
ماجد عبدالله أبومديده من جهه
&&
فؤاد بن عايش الجحدلي من جهه اخرى

جينا نقود المعاني قود = لأهل الوفا حسب مبدانا
سلام يقدح كما البارود = يوم السعد موعده حانا
قبلك لِفونا أُمم ووفود=قِد شِفت معنى تعدّانا ؟
يامرحبا والفهود فهود=كُل عِلم محجوز لُه خانا
عسى البقا يا رجال الجود = نبع الصفا سال وأروانا
لأجلك معي باذل المجهود = بفرش لك الأرض ريحانا
فُرصتك تنهل من المردود=مادام بالقول تنصانا
ولا صار رسمك على المعهود=تسمع إجابات مليانا
قفّلت درب الهوى بسدود = ولاأبغى طواريه تحدانا
لكن سرى من نسيمه رود = في تالي الليل وأشقانا
لولا الهوى ماتحرّك عود=ولاكان في ناس سهرانا
غصبآ نسيم الفؤاد يعود=ويحُطُكم في خبر كانا
ليته سرى من زمن وعقود = كنت أتبعه حيث ما كانا
لكن سرى والمشيب في زود = يحكم عليّ قب ميزانا
لاتقول مالي معاه بنود=وفي أول العُمر ماجانا
تراك في دفترُه مرصود=إصبِر وإخضع لفتوانا
لاتكُبني في الليال السود = وحيد والجمر يصلانا ؟
لو الصبر يطفي الملهود = ما أشكيت وأبديت دعوانا
هذا إعترافك عليه شهود=مادام تصلاك نيرانا
من لاصبر فالهوى مقرود=ويكفنونُه بالأكفانا

ويصحابنا سامحونا