(نبغى نمسي على الشعار)00لحن عبر الجوال ابومديدة قابل 21/11/1429

نبغى نمسي على الشعار=باسم الصداقة وزود الود
وان مايجي للمثل مسعار=ندراه حتى يجينا ند
مسيت بالخير مانحتار=عطنا علومك وتلقى رد
عندي لديناركم دينار=عملة بعملة ونقد بنقد
فالسوق بنجرب التجار=اللي تمغروا لهذا الحد
يبغون بالين والدولار=والاعلى ريال محدد
فالسوق لاتامن الاخطار= من فوق يدك تعلت يد
مربوط سعر الذهب بعيار=وان زدت تلقى عليك ازود
اشوف وسط الصدف محار=واقول هذا الخبرمايعد
واليوم مافي شوير يشار=يكون شوره أمل للغد
آنا اعرف أن الكبار كبار=وانت تشوف ونظرك يسد
عطنا معانيك يابيطار=ويجيك نقش المثل من جد
ان جات للعرف والمقدار=كل شي مخبور ومفند
هوالهوى برد ولا نار=ولا دفا بين قرب وصد
من دون لايطول المشوار= البينة ماتبا مشهد
وحال الهوى يحكمه معيار= في يد من تعشقه وتود

[/poem]