قصة كسرة طريفة : معذور ياللي عكست السير &&&&&&&&&&&&&&&&&&&

صبحكم الله بالخير والسرور
نووواصل معكم هذه السلسلة من قصة كسرة (3)
يوم من الأيام وفي إحدى الأفراح و الليالي الملاح
دخلت قصر الأفراح برفقة وااالدي الله يحفظه عااد الوالد يمشي قدامي بمسافة بسيطة وأنا خلفه
بينما نحن في دخولنا لصالة القصر الرئيسة
جات عيني ... فعين عمي ( إحم إحم ) والله وروح أسلم عليه في منتهى العفوية
لكن كان جالس في الجهة المقابلة
اثنين لا أجتمعوا الله يخلف على النوايا السليمة هههههههههههههههههههههه
( عبد الله أخوي و عبد العزيز الزويهري )
ترى عبد العزيز حليل والطيب لكن معاه شيطان متمرد المهم
جلست جنب عمي وقاعد أسولف معه ولكن فالجهة المقابلة عبد الله أخوي
يضحك وشيطان عبد العزيز( يوشوشه ههههه)
قلت في نفسي العلم ورااااه شيئ ههههه
قمت وجيتهم وقلت هاتوا اللي عندكم
قال عبد العزيز الزويهري

معذور ياللي عكست السير = من يوم عين الهوى لدت
مدري دروبك وراها خير= ولا عن السايرة امتدت

فأجبته

لاتلوم قلبي لهم بيطير = والعين تعما إذا صدت
مدري متى تقتنيلك طير = واذكر ايديك ما خطت

ودمتم سالمين