دام الموازين مختلة

السلام عليكم ورحمة الله وبركاته
بتاريخ 12/3/1429هـ
في ليلة خميس على ضوء القمر جمعتنا الأسباب في خلسة من مشاغل الحياة
فكان هذا اللحن بين
( فواز الزويهري وعبد العزيز الزويهري وصقر المقرح )
( البحار وأبو فرح وبيان الصمت )

فريق الزويهري=
سلام نفحه عطر فله=ينصى هل الطيب والأفعال
حبل المودة انتوصل له=ونبغى معك فالحروف سجال
فريق أبو فرح=
القلب رحًّب بمن حَلّه=دايم معه بالوفا ما مال
هالت المثل عندنا حله=ناخذ ونعطي معك فالحال
فريق الزويهري=
أشوف في ذا الزمن علة=تطغى وتشغل كثير البال
كلاًّ تسامر معه خِلّه= بالنت والا على الجوال
فريق أبو فرح=
مشاكل الوقت منهلّة=والدون أصبح مكان العال
من رام درب الرضا دلّه=والخير يبدا بطيب الفال
فريق الزويهري=
كان السهر دوم للدلة=سهرة صفا مع علوم رجال
واليوم جينا لزمن ذلة=فيه الردا ماعليه أقفال
فريق أبو فرح=
مبداك تمشي على ظله=تثبت لو ان الدهر ميال
دام الموازين مختلة=لا تشره الا على العُقّال
فريق الزويهري=
يا كم به النت من زلة=مسؤول عنها رجال انذال
يقضي زمان العمر كله=يستهدف الدين والأجيال
فريق ابو فرح=
ما دامت النفس معتلّة=والبس هواها العقول ظلال
الزم رَعِيَّتك في حِلّه=وحبال غيرك لها الحلاّل