دعواي يابدر الحويفي ابطاحه

في يوم الجمعة الموافق25/12/1428هـ زارني الشاعر الكبير/ بدر بن عواد الحويفي في منزلي بالخشيبي .. و وجدني عند المزرعة حيث كنت أقوم بزراعتها .. و قال لي هذه القصيدة .. و التي أصر أحد الاخوان بأن أنزلها بالملتقى .. و تستاهلون مايغلى عليكم شئ0
قصيدة الشاعر : بدر الحويفي

رفيقنا غازي شراله افلاحه=ونقول من ضمن الفلاليح فلاح
يازينها لوهي صغيرة مساحه=من شانها خلى المشاوير وارتاح
عن منزله متشطره بالبراحه=عن الخشيبي حول كيلو اليا راح
مبروك اقوله يا الزغيبي سراحه=لعلها تنبت كمثرى وتفاح
واليا بنا عند القليب استراحه=في ماقعن مافيه تفحيط وصياح

هذا ردي على الشاعر/ بدر الحويفي
[poem=font=",5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
دعواي يابدر الحويفي ابطاحه=لو ان اهلها ماهم ارجال(ن) اشحاح
لعل رجلٍ منزلي في مراحه=يقبل سبيل ابناه من عقب ماراح
يابدر ياراع القنص والرجاحه=يازبن من قرب مطيحه ولاطاح
ما بالفلاحه يابيض الوجه راحه=لاكن ترا الجلسه مضره للارواح
ولاكل مرواحٍ يكلل نجاحه=ولاكل من يجلس حليف ٍ للامداح