حرب عالين الابراج .. ( مصافحة اولى متواضعة )

	المشاركة الأصلية كتبت بواسطة ذيب القوم

	بسم الله الرحمن الرحيم . . احبتي في الله رواد وزوار ملتقى قبيلة حرب .. الكرام السلام عليكم ورحمة الله وبركاته واسعد الله قلوبكم وكساها بالايمان والصحة والسعاده اتشرف في انضمامي هنا .. معكم .. بين احبتي واخوتي وابناء عمومتي .. واتمنى من الله عز وجل ان اكون عند حسن الظن وان افيد واستفيد من عطائكم وارواحكم الطاهره مصافحة اولى ..!! خجوله جدا ً .. ولكن تواضعكم هو عزائها وعزائي الوحيد اللذي يدفعني لنثرها بين انظاركم فـ تقبلوها كما هي .. ولـِ تلتمسو العذر لـِ صاحبها ..!! ملاحظه بسيطه : ( تم نشر هذه القصيده بالامس في منتديات مجالس حرب بنفس الاسم ولكن لا اعلم ماهو الخلل في الموقع..!! فـ لقد كنت انتظر انزال المشاركه ولا اعلم هل تم نشرها بعد خروجي من الموقع ام لا .. لأن الموقع مغلق حاليا ) . . الشعر بحر وبنت الافكار موجه = لا ثار جوف البحر تطربك الامواج وانا بحر موجه عن الفين موجه = يفني ويخلق له مجره الا هاج والشاعر اللي ما تبسـَّم مروجه = بَلبسَّه اوشاح وآقلـِّده تاج تاج العذارى عقب شفت الغنوجه = برجال لا هب الشميّل لها اغناج كم لي اناظر دخلته مع خروجه = حتى تنحَّت من سبايبه قرطاج واليوم انا اقسمت اوسع فجوجه = واعانق الاسراء واهديه معراج يا نجم عيبه في زمانه وهوجه = عين الكرامه ما هضمت حق وهّاج الملعبه كفّت كفوف ٍ لحوجه = والذيب ما همه قطيع ٍ من انعاج ارقا وابرقا ما لنا فيه حوجه = خلَّه يكوِّن بالردى شركة انتاج والله ما هز الشعر في هروجه = وان ثارت الهيجا ابعطيه للصاج شاعر كفو وادعس على كل عوجه = ماني بمثله بين نسوان دراج لي لابة ٍ امخمـِّده كل هوجه = يزبن لها وقت المطمات محتاج يشهد لنا التاريخ يا من تموجه = قول ٍ تلته افعال عالين الابراج بفخر بربعي حرب والقاف اروجه = قوم ٍ لهم بالعز والجود منهاج حاضر وماضي عزنا ساق فوجه = فوق الكواكب كلها حرب ترتاج كم معجزه يا حرب هدت بروجه = شيخ ٍ بنى مجده ومن عقبك انعاج ما ينكرك من هو وفيّ ٍ بلوجه = ولا ّ الردي في كل الاجواد هراج الضيف نطرب لا لفانا ولوجه = وللحق ما والله طفينا له اسراج كلن له افعاله وخابر دروجه = ماني بباخس حق وافين الإدراج والنعم في كل القبايل يتوجه = مني سلام إلـ(حرب) عالين الابراج . . والسلامه والسعاده لكل نظره وقلب كل التحيـّه لكم اخوكم الصغير خالد بن سنيد الجابري الحربي ذيب القوم

الله الله الله
صح لسانك

وبيض الله وجهك

والله يحييك يابن العم بين ربعك ونتشرف بوجود شاعر مثلك بيننا