اترقب واتسبـر وافزعولـي ياجماعـه

	اترقب واتسبـر وافزعولـي ياجماعـه=من ينادي الردادي مـن بيـار الماشـي المؤشر لونه احمر واصـل(ن) للقاعـه=والسبايب ياعميلي من مضارب المواشي ياهلا باللي تسبر ياهـلا سمعـاً وطاعـه=جيت ياساري بعد ماقمت اقرب من فراشي مرحبابك يوم بكره نشتري من هالبظاعـه=نعطي السلعه ثمنها قصد والا الدفع كاشي اللي مثلك وشرواكم نفقده في كـل ساعـه=مانرضى ينحاش عنّا واللي مثلك ماينحاشي ابن غانـم احتزملـه بنـدق(ن) رمّاعـه=يصرر بديس الناقه حتى مايرضعها الحاشي والله اني خابرك فزاع وتحـب الفزاعـه=كيف انا بنحاش ياساري وانا بالخط ماشي احتزم شد الحزام ولا تغرك هالأشاعـه=المؤشر لونه احمر ليت يرجع لنتعاشـي هذاك امنّول مخضر للشرايه والبياعـه=وذلحينه صاير احمر من فعايل الغشاشي وش عقبها وش بعدها معاد فيها طماعه=ماوقع وطاح فوق النار يكود الفراشـي اشتري يامشتري من بعد علمـاً بالاذاعـه=اشتري ارهن قروشك حط ياخوي المعاشي المؤشر يوم بكره يختلف شكـل ارتفاعـه=قالها مصري محلل قال باكـر ياخراشـي انته ابحر ببابورك فالبحـر وفـل شراعـه=يغنيك الله يالردادي منشي غايـم المناشـي معاد اقرب الزراعه والتجـاره والصناعـه=وسلملي على المصري وسلملي على الراشي الأمل يابو فهد طيب وباين من شعاعـه=خلها تمشي قبل مانقلب الشغله هواشـي الحذر ثم الحذر السهم لاتمشـي تباعـه=كل لوحتهم حمر كتشب وصايبها ارتباشي انحش عنها والعن فيها وقبس فيها بالولاعه=لو تحرج على الاسهم محد يشريها بلاشـي احمد الله على الراتب واحتفظ به بالوداعـه=داو اجروحك ولملمها ولف اجروحك بشاشي شغلت الاسهم ترى ماهي مكاسب من شجاعه=ان بغيت انحاش يامسرع وياهون امتراشـي نحمد الله بـس ياخونـا ورطنـا برتماعـه=لازم(ن) نجلس معك حتى نوصلك القراشـي