القلب هبت عليه رياح (محاورة مشعل العمري وقابل البشري)

هذه المحاورة جرت بين الشاعرين الرائعين مشعل بن سالم العمري الشريف وقابل فرج البشري وسأوافيكم بباقي الردود حال الوصول إليها

سلام ورده ومسكه فاح=طيبٍ على طيب خوتكم
أهل الوفا علمكم رجاح=لجل الوفا من طبيعتكم
يامرحبا من هجوس صحاح=من طيب نبعه غلاوتكم
ماتاك مثل البدر لالاح=في قلوبنا من معزتكم
عسا البقا خاطري يرتاح=والعين تفرح بشوفتكم
فالوقت هذا وفاللي راح=الكل يعرف حقيقتكم
الحظ جابك مافيه مرواح=شرحتوأنفس رفاقتكم
عزف المعاني لها مفتاح=وطروقها في قيادتكم
آنا أجيكم مسا واصباح=واعزم ضيوفي في سدتكم
وعن المعاني يجيك ايضاح=بعد الردد من سعادتكم
ياستاد ماهي عليك شحاح=والقيل صدّق شهادتكم
والقيل له فالنفوس فساح=بثه وباسمع قناوتكم
القلب هبت عليه ارياح=أسألك بالله ماجتكم
تحكمت فيه دون سلاح=أفيدني حسب خبرتكم