محاورة بين مبروك الحربي(أبو ناب )رحمه الله و حبيب العازمي (الشبح) صوتيه

حبيّب العازمي=
يا سلامي في محلٍ يسر اللي نصاه=عند قوم فالمواقف تولـع نارهـا
خلّوا الموّال يبقى شويّـة مانبـاه=بيننا دعوى جديدة يطير غبارهـا
مبروك الحربي ابوناب=
مرحبا ترحيب غالي يسلّيكـم نبـاه=من كبار القوم ترحيب قدم صغارها
هات علمك يا حبيّب وبيعه من شراه=والمدينة تركـز البـاب لزوّارهـا
حبيّب العازمي=
ياقوي الذاكرة يا شديـد الإنتبـاه=إحتفظ بالأولى لا تـدوّر غارهـا
فيه واحد يصنع القنبلة كبر الحصاه=قالوا انه ناويٍ حرب جوف ديارها
مبروك الحربي ابوناب=
يا رفيع المستوى كل حبٍ من ذراه=حرب والعتبان دايم حكيمٍ شارهـا
كم راسٍ مدّرق من تحت كم العباه=والحصاة اللي على قمته ما دارها
حبيّب العازمي=
يا شبابه من بقى في لزومٍ واحتماه=صفقوا له يوم دق العدى بأزوارها
اليهودي ما يهمه لا صيام ولا صلاه=يالله اهدم كل حفره على حفّارهـا
مبروك الحربي ابوناب=
العتيبي حاسب انه في ضلعان السراه=والحجانه فالعتيبـي تلـد انظارهـا
لو صبرنا و انتصرنا عليكم فالزكاه=الزكـاه اللـي تغيبهـا لجـارهـا
حبيّب العازمي=
العتيبي ما غلط وانت لاتغلـط عـلاه=كان مافيها لبـن خلّهـا بإصرارهـا
كم سنة مرّت سليمان ما طاحت عصاه=والجنون الله يكافـي تديـر أفكارهـا
مبروك الحربي ابوناب=
يمكن هذا السنة تدرج يمّـك رحـاه=ما خبرنا إلا الشياطين طول اعمارها
كل من جاك بهديّة رحمة الله عـلاه=لين حتى تعرف يمينهـا و يسارهـا


تحميل

https://www.angelfire.com/ex/alrehily/m2.rm