محاورة الشامية

هذه المحاورة جرت بيني وبين الأستاذ إبراهيم الردادي
يوم الخميس ليلة الجمعة الموافق 16 /4/1428هـ
حينما تشرفت وداري بزيارته الكريمة ويسرنا إكمالها هنا بينكم
ومعكم في ملتقانا حرب

سالم البشري=
ترحيب هلت به الأنوار=وافي ومخصوص ومعمد
لاشك زاد الفرح فالدار=واستبشرت بك يابومحمد
إبراهيم الردادي=
مشكور يامقصد الزوار=عنوانك الطيب ومجوّد
راع الوفا عنك مايختار=بشوفك صفا القلب يتجدد
سالم البشري=
تسلم لنا يالصديق البار=ياللي بتشريفكم نسعد
نبغى نسجل لنا تذكار=ونستثمر الوقت فالأفيد
إبراهيم الردادي=
منك المثل طيب الأزهار=تسمو معانيه للأجود
والحكم جاهز ومايحتار=حسب التفاصيل يتحدد
سالم البشري=
حاولت آجاري التيار=واقارب الوضع واسدد
ماقلت ألقى اليمين يسار=والأمر بالحيل متعقد
إبراهيم الردادي=
المعتبر يطلب الآثار=من مطلق القول ومقيد
ودستورنا للملا معيار=على القوانين متسيد