اما يقين الوصل عن شك الاهمال= و الا تقبل في المودة عزايا..

بسم الله الرحمن الرحيم
السلام عليكم ورحمة الله وبركاته
محاولة متواضعة أتمنى ان ترتقي لمستوى ذائقتكم ودمتم .،،



بسم الله الرحمن



لو كان ما عندك و لا عندي إرسال =نبقى ف بَعضُنَا محسنين النوايا
‏ابليس لا يلقى مداخل والانذال= ما تبحث الا عن عناك و عنايا
‏كان التواصل بيننا عقد سلسال=يجمع مشاعر .. صاغت اجمل روايا
‏ياللي سقيته أمس من عـدي زُلال=و حَرَّم عليّ الْيَوْمَ بل الشفايا
‏اهملت قلبي لين حتى الجفا قال =ما هو بكيفي يوم نشت الحنايا ..
‏بعدك مقدّر .. لكن الشوق لا طال= قلب المتيم .. فيه سوى سوايا ..
‏الحب نعمة ..شكرها حفظ و وصال= يعكس على واقعك حد الكفايا..
‏اما يقين الوصل عن شك الاهمال= و الا تقبل في المودة عزايا..
‏ما قل دل ولا كذب راع الأمثال.=عز القلوب اللي لبعضها مرايا..
‏حتى ولو ماعندي وعندك ارسال= نبقى فبعضنا محسنين النوايا


[poem]