( الــــفـــراق اصـــعـــب عــذاب )

/
/
/
/
/
/
/
/
/
/
/
/
/
/
/

فاللحد تحت التّراب=غالي عن العين غاب
بعده الدّنيا عذاب=( ياالله انّك ترحمه)
ياالله ارحم شيبته=يامن اظهر هيبته
وصبرنا في غيبته=(اجر فيها عظّمه)
وفالقبر وسّع عليه=وفي رحابك تحتويه
واجمعه مع والديه=(في منازل مكرمه )
وصبّر اللي مانساه=فالممات وفالحياه
اشقت الدّنيا ضناه=(بالجروح المؤلمه)
سال دمعه كاالمزن=ورغم ذالك متّزن
وبالصّبر وقت الحزن=(طالبينك تلهمه)
فرحته طالت معه=وبعد عشره ممتعه
جات لحظه موجعه=( وراضي باللي تحكمه)
في فراقه ماسليت=مانسيته ماحييت
وعن شعوري لو حكيت=( مين يقدر يفهمه)
مالي بلايم يلوم=كان شقّقت الهدوم
ومن يلوّم فمحروم=( ذاك لومه يوثمه)
آتوجّد فلآلام =وجد من صابه سهام
وآتحلّم فالمنام=( في لقائه واعزمه)
وغالي عن العين غاب=فاللحدّ تحت التّراب
الفراق اصعب عذاب=(ارتجي لك مرحمه )

الشّاعر / خالد بن عبيد بن معتوق ألأحمدي