القناعه

السلام عليكم ورحمة الله وبركاته


كل عام وأنتم بالف خير

قالو وشهو جديدك قلت هذا الجديد=وابتدي بسم ربي وحمده وشكره
صايم ٍ فرمضان ومبتسم يوم عيد=واطلب الله عظيم الشان بالمغفره
والقوافي رساله قلتها واستفيد=واحمد اللي عطانا الخير والمقدره
والقناعه لك الله كنز دايم يزيد=يستريح الضماير ماهي في شروشره
شوف وش صار فبلاد العرب والصعيد=وكم تاجر معه مليون ثم خسره
والقناعه تقول ان الكلام المفيد=افضل امن الكلام اللي مافيه ثمره
يعني ياهل الهروج الزايده لايزيد=هرجكم ينحر الحسنات في منشره
لاتجامل بغيبه لجل خاطر عبيد=وكل علم ٍ يخص الناس لا تظهره
والقناعه تقول أن التواضع فريد=يرفعك عند ربك بس ما تجهره
يعني لاشفت لك شخص ٍ ضعيف بليد=حاول إنك تقرب له ولا تحقره
وابتسم في وجيه الناس زيد الرصيد=زد رصيدك وفعل الخير لا تنكره
والقناعه تقول أن السعاده تريد=الصلاه الصلاه الواجبه ذكره
هذا هذا جديدي قلتها واستفيد=واطلب الله عظيم الشان بالمغفره