خله يولي لاعاد يطل //// لحن

السلام عليكم ورحمة الله وبركاته وبعد،،،،،،،،
أسعد الله الجميع بكل خير

(لحن) بين عتيق مساعد السيد وعبدالرحمن سالم الصبحي (بن عوده)12/5/1434هـ


عتيق السيد

سلام مني مساكم خير *** ياللي لكم عندنا منزل
عن ودكم يعجز التعبير *** مهما من ابياتنا نرسل


بن عوده

ترحيب يسبق جناح الطير *** فيه الفرح بالذي مقبل
ياللي لكم عندنا تقدير *** مهما طلع فوق ما ينزل


عتيق السيد

يامبدع القاف بالتصوير *** دايم يجي ردكم اجمل
وش رايكم لو نحث السير *** حتى فعمق البحر ندخل


بن عوده

ابداعكم فالمعاني غير *** واحنا من ابداعكم ننهل
هات المثل واكتب التقرير *** حتى معك للهدف نوصل

عتيق السيد

اللي هجرني بلا تبرير *** اقفى بقلبي معه معتل
شل الفكر واعدم التفكير *** نبغى افاده ونبغى حل

بن عوده

اللي هويته بلا تحقير *** واسقيته الروح ورد وفل
مادام روح بلا تقصير *** خله يولي لاعاد يطل

عتيق السيد

ماخاب من يتخذك مشير *** ياقاضٍ اهل الهوى الاول
حكمت لي فيه بالتعزير *** لابد من دنيتي يرحل

بن عوده

لاجاك يسألك بالتعذير *** لاتستمع له ابد واثقل
وانصحك لاتقرب التدوير *** اصحى عنه فالهوى تسأل





مع تحياتي أخوكم /عبدالرحمن سالم الصبحي (بن عوده)