بيني وبين الشاعر الكبير, حاتم بن عضيب البيضاني

السلام عليكم ورحمة الله وبركاته



حاتم البيضاني

من حقي انوح وابكيهم = للان رغم البعاد اثنين
واوقف على اطلال ماضيهم = واهل دمعي على الخدين

فارس خليل

ما دام ربي كتب فيهم = من قسوة الوقت متناحين
ماهي خسارة توافيهم = بالدمع رغم انهم مقفين

حاتم

ماقيًس القلب يغليهم = لو كان قفو ولو هم مين
لكن حدتني وتحديهم = اسباب للبين بين وبين

فارس

لو تحسب اللي تخاويهم = بيبلش القلب جيم وسين
الوصل و لا تجافيهم = معاك وحده من الثنتين !

حاتم

كثير لو قلت بحصيهم = وقليل لو باحصي الوافين
وان جات بالكيف شاريهم = قبل استشيرك وابيك تعين
اللي عسى الله يهديهم = غوو بهم زمرة الغاوين
وشرط الوصل لجل الاقيهم = صك البراءه من المفتين

فارس

من دون نذكر اساميهم = الصد منهي عنه في الدين
غض النظر في بلاويهم = اصبر وخلك قوي لا تلين
الناس صعبه تراضيهم = ترى الرضا غاية المسكين
واللي عزيزه طواريهم = اصحى تبيعه ولو ستين



اخوكم ومغليكم