ديوان خليفه محمد سعيد المزروعي

خليفه =
لو للهوي فالحكم تسريح =بذلت كل اجتهاداتي
واللي بليبه سوات الريح =ومن يحمل الصرصر العاتي
بدر=
هو الهوى عادته تجريح =ما يسلم مود لوعاتي
فكر وقرر قرار مريح =منك الحسم فالبداياتي
خليفه =
قدام الوح لهم تلويح =اخذت كل احتياطاتي
القلب من دونه التسليح =لكن خابت دفاعاتي
بدر=
ان شفت فالمسئله تلميح =بتصيب لك بعض هقواتي
اعزم على الامر بالتصريح =وابد في رسم العلاقاتي
خليفه =
راكب شفر والوكيل جميح =ويقطع جميع الاشاراتي
عتمه وظلمه بلا توضيح =وخطوط فيها ملفاتي
بدرالشيخ=
اللي دخل فالهوي لا يصيح =لا يقول زادت صعوباتي
يواصل اللعب للترجيح =وينال كاس البطولاتي
خليفه =
جمحت ما ينفع التجميح =وصبرت زادت معاناتي
واظن ما فالهوى تفليح =ليت الهوى يروح ما ياتي
بدرالشيخ=
راجع لك الامر فالترشيح =لن كان تبغى النهاياتي
ان شفت في ختامها تصحيح = اطوي جميع السجلاتي
خليفه=
تبغى الحقيقه كلام مريح =مالي ومال الطويلاتي .
ارشيفنا مبرحه تبريح =اشيل كل الملفاتي
بدرالشيخ=
ترتاح انته منه وتريح .=كن الذي فات ما فاتي .
لاجل الهوى اكثره تمليح .=فرقه وحرقه وحسراتي .