تكفى ترفق فجوفي نار

هذا الكلام بيني وبين أخوي أبومشاري

وهو ماشاء الله عليه صوته لما يرفع العاج مامثله

أبوعبدالله=
ياخوي عاجك يدق أوتار = غصبا تحرك لنا الاحساس
تكفى ترفق فجوفي نار = أكنها عن جميع الناس
ابو مشاري=
حييت ياعالي المقدار = ياكاسب الطيب والنوماس
من سبب الهم والأكدار = حتى يجي للدوا مقياس
ابوعبدالله=
عسا البقا مثلكم بيطار = وراع الوفا للعرب نبراس
وا دمع عيني غدا مدرار = أقفى وبعده أنا محتاس
الرد ابومشاري =
لاتهلك الروح بالأخطار= والحزن ياما أغرق الغطاس
بدعاه وعزومه الصبار = يطوي عنه جملة الأتعاس

هنا تقفل الكلام بس أنا لالقيت مثل أبومشاري وشراوكم
أفرح إني أخذ لي معه كم بيت فحبيت أطول معه فالكلام

ابوعبدالله=
من بعد ماحلت الأقدار = فالعين صوره لأعز الناس
في كل مجلس لهم تذكار = دايم يحرك لنا الهوجاس
ابومشاري=
هذا وفا من قريب وبار= واجب ويستاهله فراس
في كل موقف من الأخيار =فرض أثر واستحل أنفاس