همس القوافي لعلي بن عيد=وجّه تحيّه وهذا البدع

همس القوافي =
سلام تسرع بـه الأقـدام = لاهل المواجيب تلفي بـه
والقاف يسري مع الأنسام = فوّاح بالمسك مع طيبـه
علي عيد البشري=
يامرحبا والخبر قدام = يامن وردنا مكاتيبـه
الليل سر المثل بنظام = عن واقعه لاتنحيبـه
همس القوافي=
عسى البقا ياصقر همام= الطيب يعطيه ويجيبـه
قلبي توجّد مـن الالآم = أبغى الإفاده فتطبيبـه
علي عيد البشري=
للطب في ماورد احكـام = حتى نوفـي مطاليبـه
وش اللذي سبب الاسقام = واسعر في قلبك لواهيبه
همس القوافي =
شريان تاجه فهذا العام = عجزت لااعرف اساليبه
اخاف يصدر له الاعدام = في ليل اظلم مايدريبـه
علي عيد البشري =
هيا استمع للقرار الهام = في قولك اللي تماريبه
سيس الامر قبل لاتنلام = والقلب الآلآم تغديبـه
لاتعيش بالظن والاوهام = وتقول كثرت الاعيبـه
من شان تحلا لك الايام = فرضاه تجني مكاسيبه