يارامع الالغاز لاتخيب الظن= عطنا جوابك قبل فوت الفواتي
وإن كان جبته في بيوتٍ يغنن=حلك كمل وانته على الطايلاتي
وش الثلاث اللي مع الناس ذكرن=خوات لاكن بالنسب فارقاتي
بنات لاكن بالغطى ما تغطن=ولاهن من اللي يلبسنّ العباتي
عن ماحون وعلومهن ما تخفن=بقن على مر الزمن شاهداتي
الطيب فيهن علم ووصاف لاجن= لاذكرن الثنتين هذيك تاتي
كحيلة حرب=
المشاركة الأصلية كتبت بواسطة ابو طلق
.
يابادع الالغاز ياراقي الفن = مافات شي وبانت المعطياتي
أفخر واغنيها الاجابة وادندن = و يشوش راسي يوم تِذكـَر غناتي
هذي ثلاثة للمدوّر عليهن = تذكر قبيلة حرب بالمعجزاتي
من يعرف التاريخ ماغاب عنهن = مثل النجوم الساطعة واضحاتي
واللي جهل ينشد عن نويشي وعن = فعل البلالي وعن خلف فالصفاتي
حفظ الامانة والخوي والكرم قن = من عهد اهلنا لعهدنا مورّثاتي