غنى النفوس

الله يديم اهل الفعول اللي لهم مجدن تليد=اهل الفعول اللي تبرهن للرجال افعولها
سوالف الرجال ماتغنيه فاليوم الشديد=الياسرجت سود الليال القاسيات اخيولها
واللي يبي درب المراجل لايكل اولايبيد=يتعبلها لين انه ابكف اليمين اينولها
وان كان مايضرب ليا كبرت بكف" من حديد-=سوالفه يضربها عرض الجبال اوطولها
كانو وكنا خلها الا انت وش عندك رصيد=يمنى" ماهي يمناك مالك حق في محصولها
غنى النفوس اغنى من الدنيا ومن مال الوليد=والناس لوتزهم فالاسماء فرقها فعقولها
فرق الصحيح امن الخطاء فرق القريب امن البعيد=وكلن على ليلاه يسرد قصة ويقولها
من لاطلع قمة كرى لافايد او لامستفيد=وان قال ذي اصولها قلنا ماهيب اصولها
احسب لميلات الليال امطوعة راس العنيد=قبل تقشك يالخوي دنياء العناء بحثولها
من لاحسب لقفايها واقبالها قلبه بليد=لاتحسبن البيض دايم سارين مفعولها
على ماقال الاكلبي يصبحبها الشايب وليد=(واللي تخبره بزر تصبح لحيته ذا طولها)