عندهم كاس المحرم شاذليه

بسم الله الرحمن الرحيم

مسيتوا بالخير ياربعي حرب ومحبي حرب من القبايل الاخرى

ابيات اضعها بين ايديكم وليس بتلك الجزاله ولكن للترفيه عن النفس

راكب اللي يعجبك من مقدميه=كيف جنبه كيف خلفه كيف كله
كيف لو أشريه وتسوقه يديه=كيف لو شفته بترحاله وحله
موترن معروف فيه الجاذبيه=يجذب العاشق ومن قلبه يتله
قوة التصميم بعقول(ن) ذكيه=بديرة الكفار لامذهب ومله
عندهم كاس المحرم شاذليه=تكرم ادلال العرب دله ودله
ماعلينا مالهم ياغير سيه=والعقل للأدمي دايم يدله
صمموا لكزز وينطح كل هيه=شيخ بالمقدام مع سيف(ن) يسله
بالمواقف وقفته مافيه زيه=يقضي المطلوب في دقه وجله
اللكازز صفهن وضح(ن)نقيه=كنها وضح الطهيمي بالمجله
يوم يمشي بالدروب السرمديه=من سكونه تقل واقف بالمظله
من بعيد اللون يشبه لبرديه=يوم ينزل من سحابه مستهله
راكبه واحد وراعي مقدريه=شيكه بالشيك جاب المال كله