ديوان الشاعر محمد بن خيرالله الردادي

الاخوان والاخوات الاعضاء والزوار
السلام عليكم ورحمة الله وبركاته
مشاركه تعبر عن نفسها
امل ان تحوز على اعجابكم

يابنت زولك صوب القلب تصويب=وشغل هوى قلبي عن الكون كلـه
وصبحت حاير وسط دنيا التعاجيب=عقلي رحل والقلب راكـب محلـه
زينك جذب روحي وزاد التراغيـب=وقلبي نوى قربك بـدون المذلـه
ابـي ازورك وفتهـم للمطالـيـب=وكتب عليك العقد مـن دون زلـه
انا نويت الشرع للفهـم والطيـب=والقصد واضح وانت يازين حلـه
ردت وقالت حبنـا بـه نواشيـب=ماهي بنا لكـن مـن الغيـر بالله
اول ردود الاهل فيهـا صواعيـب=ماهي كما سيفـاً بسيطـاً تسلـه
والثانيه يمكن تجيـك التراحيـب=وتصعب مطالبهم ونفسـك تملـه
قلت التعب مخلوف لو به تواعيب=والنفس تقـدر دام للـزرع غلـه
قالت اخـاف يجرحنّـك مخاليـب=ناسا حقـوده ثـم دمعـي اهلـه
قلت ابعدي خوفك ولافيـه تعذيـب=اكثر من افراق(ن) خليـلاً لخلـه
هذي الحقيقه عندك مافيه تجنيـب=مهما حدث يابنت والـدرب ادلـه
والذيب مهما كان ماياكـل الذيـب=الا اذا حصـل خـلـل وستغـلـه
ومن كان ماشي صح مارافق العيب=دربه خضر في كل مذهـب وملـه
قالت على الله ربنا عالـم الغيـب=يمكن انـا ويـاك نسكـن بفلـه
ابدا ويمكن مـع بدايتـك تقريـب=وممكن يكون الحل للوضـع كلـه

مع تحيات
محمد خيرالله الردادي