ديوان الشاعر سالم البشري

صقر المراقيب=
أهل الوفا تختلص بالدين=والطيب والجود مبداكـم
صاحبك مغبن وجاته عين=بسباب عرفه لشرواكـم
سالم البشري=
عين الحسد طالت الاثنين=يحماني الله ويحماكم
كسبان من يعرف الوافين=يامن على الطيب ممشاكم
صقر المراقيب=
الحل عندي حفظ ياسين=فيها دوى لي ودواكـم
ومادامنا بالوفا صافين=نلقى معونات مولاكـم
سالم البشري=
صادق ورب العباد يعين=ياصقر ويسدد خطاكم
واقول هذا الكلام الزين=مبناك راقي ومعناكم
صقر المراقيب=
يابن بشر بالعسر واللين=ماخاب رجّال ينصاكـم
في جودكم تشهد اللافين=حلو النّبا فـي محيّاكـم
سالم البشري=
هاذي شهاده من الغالين=والوافيه من سجاياكم
في عالم القيل لك تثمين=ثابي على العز مبناكم