ديوان الشاعر سالم البشري

((( بدع ورد )))=
قابل البشري=
أشكي أسى من هجوس الود=اللي مـن البـال ماراحـت
كل ماأقـول انتهـت ترتـد=لاريحتنـي ولا ارتـاحـت
سالم البشري=
الود مهما طغا واشتـد=وبوارقه بالعنا لاحـت
تبقى هجوسه عبير وند=تنعش لك القلب لافاحت
******************=
حرب=
130 والــواحـــد )=احسابها ناتجه مشهـور
في قمة المجـد متواجـد=لجله. سلامي يشعشع نور
سالم البشري=
بالأبجدي حرفك الرائـد=سطر لنا دره المنثـور
وافي ورب الملا شاهـد=يابو عمر مرحبا مشكور
******************=
منصور المعبدي=
قلبي نويت اتبرع به=لجمعية البر والإحسان
قالولي قلبك تقنّع به=مايقبله حي مهما كان
سالم البشري=
القلب فاحوالك الصعبه=مدّك بالإحساس والوجدان
حرام يصبح كما اللعبه=معروض في ساحة الميدان
******************=
صقر المراقيب=
بالود خلّك شديد اشوي=كم طيب الود موذيبـه
ماكل مايطلبونك شـي=روّحت ياسالم تجيبـه
سالم البشري=
ياصقر ودي عذيب الري=صافي يقدّر محاسيبه
لو بوصفه مايجيله زي=راضي بسالم وراضيبه
******************=
صمتي لك غرام=
سلاام لأهل الوفآء بآلذات=يآللي علشانهم جينـآ
لاجيت بكتب لهم ابيآت=صآح القلم وآعتزآ فينا
سالم البشري=
يامرحبا وابرك الحـزات=اهليـن حييـت ياخينـا
في ملتقى حرب للكسرات=حنا لك السمع مصغينـا
******************=
مسعود بن سالم المعبدي=
هبّت علينا رياح الود=اللي لي سنين عنها ابعدت
وارهق فؤادي فجزر ومد=عايش لكني كأني مت
سالم البشري=
اطرد هوى النفس مهما اشتد=واحذر منه بعد ماجنّبت
ولاترهق القلب فوق الحد=والعقل يكفيك لااتمعنت
*****************=
المنيفي=
لو خيروني من الاثنين=اختار هيـات ياسالـم
خلي وقلبي ونور العين=ولا الذي بخوته والـم
سالم البشري=
ماهكذا الود ياسمك مين=ولااقدر انا اختار يالزاهم
إلا إذا كان لك قلبين=شوف الذي يقضي اللازم
****************=
خالد البحار=
اطلق عنان الفكر واسبح=في ليل بحر الهوى واهيم
واخاف دمع الأسى يفضح=فيض الأحاسيس والتعتيم
سالم البشري=
مافيه غيرك هنا يربح=لاكنت فالجو هذا مقيم
وماتلام لو خاطرك أفصح=عما بداخله من تأزيم