( لك حرف يعرف جديد اطراز ) .... محاوره مع الشاعر القدير / فواز بن محسن الزويهري

/
/
/
/
/
/
/
/
/
/
/
/
/
/

خالد بن عبيـد الاحمـدي =
سلام والعلـم لـك بيجـاز=من شخص مايجرح اصيامه
ضقنا مـن الـود يافـوّاز=وعفنـا لياليـه وايـامـه
فـــواز بن محسن الـزويـهـري =
ترحيب منـا لكـم وإيعـاز=من قلب حافظ على إسلامه
لا تصغّر الـود فالبـرواز=والقلب لا تشفّـر أرقامـه
خالد بن عبيـد الاحمـدي =
اصل السبب راكب التوباز=مزيـون فتنتـه بالثـامـه
حوّل قبل يضـرب الغمّـاز=وصدّامنـا حـكّ صدّامـه
فـــواز بن محسن الـزويـهـري=
الطرقي السايـح المجتـاز=أحـذر يشربـك فاوهامـه
سراب مايـروي المعتـاز=إبحث عن العذب وإكرامـه
خالد بن عبيـد الاحمـدي=
القرص يعرف له الخبّـاز=منتـه موصّيـه بانظامـه
ونروى من العذب يامنعـاز=ولاتلوم صاحبـك فهيامـه
فواز بن محسن الزويهري=
المرء في منهجه يمتـاز=ياكاتب الخـط باقلامـه
والصيد ما جابه إلآ الباز=يظفربه بعالي أعلامـه
خالد بن عبيد الاحمدي=
في ساحة الطيب لك مركاز=بتّـاع ماتخـش دوّامـه
والبدع والرد معك انجـاز=معروف بالعرف علاّمـه
فواز بن محسن الزويهري=
أشكرك وأبدي لك الإعـزاز=والطيب مثلك عـلا اهرامـه
لك حرف يعرف جديد اطراز=والشعر حايز علـى وسامـه