ديوان الشاعر سرورالبشري

سرور=
سلام من شاعرٍ له ذوق = ياللي لكم ود في فؤادي
يرقى بحرف المعاني فوق = ما ينحدربه بطن وادي
حرب=
يامرحبا بطيب المنطوق = في ليل مانحسبه عادي
ومابيننا فالمعاني فروق = وأنا تراني على شدادي
سرور=
يامن لكم في فؤادي سوق = كله غلا يابن الأجوادي
طلاب للحق والمحقوق = مافلح بعد حرشه بادي
حرب=
بكره فمجلس وليف الشوق=اللـي للاجـواد ميـرادي
انحمل اللي عليه حقـوق=اللي على الخصم متمـادي
سرور=
لابد من غفوتـك بتفـوق=اليا حضر رئيـس النـادي
وتحرم من المركز المرموق=وتصيح للنـاس وتنـادي