مع أخي الشاعر القدير/ ابو عداي ( صعب انتفاهم أنا وأياك )..

السلام عليكم ورحمة الله وبركاتة

,

,

,

أبوعداي=
صعب نتفاهم أنا وأياك = ويضرني وضعك المؤسف
أحن وأعتب على شرواك = واكون في حال لا يوصف
ابوصايل=
عساك طيب وش اللي جاك = يوم إنك تون متحسف
فتواك متقدمه . دعواك= مابيننا ابليس لا يعزف
أبوعداي=
الله يسعد لنا ممساك = أخبرك قاضي حكم منصف
خبري بكم والوفا مبداك = واليوم بيني وبينك صف
ابوصايل=
ماخبر يشوش عليك عداك = حذراك لاتصعب الموقف
يمناي ماخالفت يمناك = لي نبض شغال ماوقف
أبوعداي=
أنا تعرضت للإهلاك = ابحث وادور رجال السلف
سبحانه مدبر الأفلاك = لادق نبض المشاعر سلف
ابوصايل=
لك رب . خالقك ماينساك = ماحط بيني وبينك حلف
الطيب لو تنكره يبراك = عليك مثل النجم مشرف
ابوعداي=
لا والذي بأسمكم سماك = ماعاد بعد المصارع ولف
روح لقدام كان أمداك = مابه صفا والعصابه الف
ابوصايل=
مثلي من الناس مايخفاك = قدام مانضر ورا للخلف
نحرص على الطيب في معناك = وعسى صداقتك ماتتلف

كل عام وأنتم بخير
وشهر مبارك ع الجميع
[/center][/b][/font][/size][/center]