ديوان الشاعر نعيم عابد السيد ( القلب الدافئ )

ابو بتال

سلام يا راعي القلاب=ثقيل ثقل الحموليه

في داخلي للصفى ما جاب=مشتاق يم الصفاويه

ابو فرح

يا مرحبا والملاقا طاب=يا صافي القلب والنيه

قدام لا نجرد المشعاب=عطنا علوم الشقاويه

ابو بتال

ما شفت مثل الهوى غلاب=جيتك بقدم شكاويه

يم البحر شفتلي سلاب=يسلب قلوب الهواويه

ابو فرح

الود سيفه يجز رقاب=ما شي على احكام عرفيه

آشد واعنف من الارهاب=ما يقبل اعذار شرعيه

ابو بتال

ما عاد ينفع عذر وعتاب=طبيت فعيون بحريه

اما تصدر حكم بجواب=ولا عليك الدعاويه

ابو فرح

اسمع كلامي وصك الباب=لا تغرك امواج سحريه

يا كم قبل غدا منصاب=لا حاز هذي ولا ذيه