سلام ياربعي وهذي اول مشاركه لي معكم

ياهاجسي ياالذيب ياكاسب الطيب = ان لم تكن ذيبٍ كلتك الذيابه
الذيب دايم خوته تسعد الذيب = كالسيف عزه دايمٍ من نصابه
ياكم تعلينا علو المراقيب = وياكم كسبنا بخوتك من كسابه
اعلم تراه اليوم ماعنك تجنيب = هات الجزاله عنف ولاطيابه
لحرب العريبه هذب الحرف تهذيب = تراي ناصي ياهجوسي ذيابه
اللابه اللى للوفاء هم معازيب = اللابه اللى تعتزي في شبابه
سلام تسليمة وفاء كلها طيب = من راس حربي لاابته عز لاابه
اهل الكرم والجود وهل التراحيب = أمكرمين الضيف دايم حزابه
امكملين الجار حسب المواجيب = منهاجهم نهج النبي والصحابه
دون الزبين اليا زبنهم اشانيب = دونه بتاقف ماقفن ماتهابه
من ماضي الايام وقت المطاليب = تاريخهم مشهود محدن غوابه
هذا وسلامي مرسله بالمكاتيب = للي لهم فاالمجد عز ومهابه