الى الشاعر بخيتان البشري

الرايس =
ســــلام يــاعــد هــــذا الـجـيــل=واستسمـحـك يارفـيـع الـشـان
ابغى اكتسب من جنابك قيل=واقــــول شـجـعـنــى بـخـيـتــان
بخيتان =
ترحيب من شاذلية هيل = لرايس انقدمه فنجان
ابشر بعذب الرها تبجيل =اليا ابدأ القاف ياشيهان
الرايس =
عسى البقا فيـك ياحلحيـل=ياعـد يـروى بـه العطشـان
جيتك عجل بعد هد الحيل=من لوعة الصد والهجـران
بخيتان =
لاباس ياللي نصيت سهيل =يالشاكي الباكي الحيران
عجلت لكن بلا تفصيل = قافل على وضعك البيبان
الرايس =
آنـاغــرامــى ســرابـــه لـــيـــل=وقلبى على ملايمه شفقان
واللّى احتملته من التنكيـل=زايـد عـلـى طـاقـة الأنـسـان
بخيتان =
لاتصير مابين حط وشيل = إن كان أملكّ النهار يبان
وإن ماترجى مزون تخيل =اتكل عوضها على الرحمن
الرايس =
ارى مزن وارتجيه يسيل=ويعـود ودى مثـل ماكـان
لأن شوقـى عليـه مهيـل=ولللأان مانى منه قنعان
بخيتان =
يبقى الرجا في إعتدال الميل = تستّر من شوفه الاعيان
والصعب لنه لقي تذليل =مابينكم و المصافا زان
الرايس =
اخشى جروح الصدود تعيل=وعلاجـهـا ماحـصـل لــلأان
حتى الأمل فالخفوق اغتيل=وخـالــف الـظــن والحـسـبـان
بخيتان =
خل التفاءل معك قنديل = يطرد وحوش الظلام الجان
وامسك طريق الصبر لاتحيل =يمكن يجي للاماني شان
والياس خله مسافة ميل = قدام ينتابك الحرمان
دنيا البنادم ياكم تكيل = وكم عيشتّ بالفراق اخوان