ديوان الشاعر(بخيتان البشري)

كاسب النوماس=
سلام بعد السلام اسمع=شكواي ياخوي ياعابر
من حال قد صابني يمنع=أجامل الود واكابر
بخيتان البشري =
ترحيب بالطيبة يسجع= مايخطي العرف والساير
عنا التفاصيل لا تقطع =اللي بها وضعكم جاير
كاسب النوماس=
ياللي ورى الطيبه تفزع=وتسعى ورى الحق وتثابر
لي خل بالحيل مايقنع=وازرى معه قلبي الصابر
بخيتان البشري =
الحال والمال لك ندفع =وأنا على منت بي خابر
ابحث معه وأعرف المطمع = قدام فالود لاتغامر
كاسب النوماس=
ياطيب الساس والمنبع=المشكله مالها أخر
ماهمه العين لو تدمع= الجاحد المجرم الكافر
بخيتان البشري =
إن كان ولرأينا تتبع = الكسر ماعاد له جابر
لا تلتفت له ولا ترجع =المكر راعيه به خاسر