هذي علومي

يا مل قلبً ثلاث اسنين ما تاها=كم من دروبً بتال الليل يسهجها
يعرف مبادي دروبه يعرف اقصاها=ما غرته لو تكثر من تدرجها
واليوم ضيع دروبً كان يبغاها=من علةً فالضماير زاد واهجها
بين الاوادم تشوف اليوم حلياها=في كل ديره تشوف اليوم ناتجها
المال قله يزيد النفس بلواها=كم من نفوسً عزيزه ما يخارجها
والعالم اللي علوم الطيب تزهاها=لا قلت اموالها محداً يهرجها
اللي ليا كبرت القالات تنصاها=تفهم علوم النشاما من مناهجها
افعولهم مانظن اليوم ننساها=يوم الملاقا ظهور الخيل تسرجها
واللي لقاله حبارى ما تعشاها=خايف على كفه الليله يسمجها
ارخوم في شكلها وايضاً بمعناها=لاكثرت اموالها محداً بمحرجها
كلن يناقز لامنه جاب طرياها=امهايطه زايده بالكذب يمزجها
هذي علومي من اولها ليا اتلاها=ببيوت شعراً على القرطاس اتوجها