يابو طلق فيدني فاللي 000000

بخيتان البشري =
يابو طلق فيدني فاللي = تنزف جروحي على فرقاه
اخفْي الدمع لا هلي = واليأس غيبّ امل لقياه
ابوطلق =
لا بـاس يـا صـايـم مصـلـي=والجرح نسعى على مداواه
تشـكـي عـلـى ود متغـلّـي ؟=ولاّ عزيـز و بقـت ذكــراه ؟
بخيتان البشري =
حرفك بالإبداع متحلّي = والكل يحرص على مجاراه
ابكي على ودّ متعلّي = عزيز طول الدهر ما انساه
ابوطلق =
حرفك هو الكل ف.الكلي=ويـــزود عــلــم الــــذي يــقــراه
ود يـتــعــلاّ عـــســـى يـــولّـــي=لو كان وسط الدما مجراه
بخيتان البشري =
علا وفا ارجوك لاتغِلي = لاتزيد فيّ الآسى والآه
تال العهد يوم هو قلي = ولو قلت قولي 0بعد 0ما اوحاه
ابوطلق =
دونــك انـــا سـيــف منـسـلّـي=والـلـي يزعّـلـك مــا نـرضــاه
حكمي على القول بالملّي=واللـي تقـولـون مــا اوحيـنـاه
بخيتان البشري =
حكمك على القول جا عجلي = باللي رحل والجميع ابكاه
كيف التقي لي معه حلي = ومن نومي اصحى على رُوياه
ابوطلق =
حكمي على اللي تبين لي=والحـرف مابـان مـن مـبـداه
لـــــكـــــنــــــه الان مــــتــــجــــلـــــي=واهـتـز جسـمـي لـمـا يـحـواه
غمّـضـت عـيـنـي وتخـايـلـي=والدمع وسط المحاجر تـاه
اتـــــذكـــــره يــــــــــوم يـــرســــلــــي=واتخيـل الطيـب فـي طـريـاه
كــنـــا عــلـــى وعـــــد مــازلـــي=لكن سبقنـا القـدر فِ. لقـاه
لــقـــلـــوبـــنـــا دوم مـــحــــتــــلــــي=يالله عــســى جـنـتــك مــثـــواه
يـا استـاذ بـعـد الـقـدر حـلـي=لـــزوم نـصـبــر ولــــو نـشـنــاه
الــمـــوت يــاخـــذ ولا يــخــلــي=مايـعـرف الـواسـطـة والـجــاه
ولـــــزوم نــدعـــي ولا نـكــلّــي=فـــــي كــــــل حــــــزة تــذكــرنــاه

صح لسانك وفيت وكفيت والله يرحمنا ويرحم موتانا واموات المسلمين