مجرد خواطر .. الاجوبة المسكته

تحيه طيبه للجميع

لاردع ظالم ولا نصرة مظلوم
احذر ولاتجحد المظلوم = ولاتحسب الناس تسمعلك
ماذقت طعم الاسى في يوم = مدري العقل كيف يشفعلك

""الاراء لاتدل علينا... في ادراك الافراد فقط ""
يامن تعلق بحب الذات = مالي انتصارات ذاتيه
لاصار ممكن ضميري مات = ولا لي جماعات حزبيه


جميع الاحداث الداميه هل يعقل ان تكون خيالا
لاتضيق مساحات وتغير = الكل يكتب حسب قصره
وعادات الاحداث تتغير = والكل شاهد على عصره

وربما الغير متعلم افضل بكثير
لو فيه راعي بصيره وعلم = تلقاه يشعر بزلاته
ومايستمر الاسى والظلم = ويحذر ويحفظ سجلاته

من ابسط حقوقي
ماكل ماقراه يجذبني = ولا يغير قناعاتي
هذا سلوكي ومقنعني = وليه نظر في ختياراتي

لو اني تبعت الهوى والنفس = اصحابها مايلومني
والله لو يحجبون الشمس = والله ما تلفت عيوني

ما اكتب علشان ارضيهم = ومسعى على الناس ورضاهم
ماقول كل الخطا فيهم = وانا على طيب ممشاهم

دمتم بخير احبتي الكرام