الايابشت شمسك بادت أطرافه وكمك باد

الايابشت شمسك بادت أطرافه وكمك باد = وش اللي غيرك وأنته متين وشمستك حره
أمورُن تبحل الرجال مثل الحكم في بغداد = وأنا مأنبش قبور الميتين ولاتبع الحره
كثير من القضايا معضلات ومالهانشاد = سلامات يالقلوبن من الافات محتره
ترا اللي يجحد المعروف واللي يخلف الميعاد = سوا مايملكون من الوفى مايازن الذره
كثير من الحرار اليوم ميقناة ملح وزاد = الاياكم حرن دون خيره ماكفى شره
قصير الساق والسملاق لايصغى ولاينقاد = عسى الله يقلعه قدام يعدالزمل بالعره
أبونيات منها وحدة تمسك له المرصاد = مع الايام لابده يذوق العلقه المره
ياصياد الفهود المحترف لابدماتنصاد = يقولون العرب ماكل مره تسلم الجره
صحيح أن الحديده قصهايبدع به الحداد = ولاكن الغشيم الياكسرها جات مفتره
وأنابنشدك يالشاعروأنابنشدك يالنقاد = من اللي شطربيته بالقصيده كنه الدره
عسى نوء الخيال اليانشى وأرزم به الرعاد = يهل ويستهل من الدعيثه ليسر الحره

الشاعر/ مساعد بن ضعيان البدراني