احد(ن)يغيب ولا حسبناله حساب

احد(ن)يغيب ولا حسبناله حساب=واحد(ن)نحسّب بالدقيقه غيابـه
بعض الاوادم حاسبينه ولو غاب=وبعض الاوادم ماحسبناحسابـه
الله يبارك بالليالي والاسباب=اللي قلعته من ورى جبال00ابه
ماله مكانه عند ربعه والاقراب=وبينه وبين اهل الشكاله حرابه
وجهه مثل قلبه تقل ريشة غراب=من الحسد والحقد يشعب ركابه
اليا سكت نصاب وان قال كذاب=ماينعرف وش مخطيه من صوابه
وانا مااحب اللي منافق ونصاب=حيث اننا باخلاقنا ماانتشابه
وارجع واقول اللي كسب حب الاصحاب=الصاحب اللي عز حضرة جنابه
ان غاب له تاثير مابين الاحباب=وان عاد كل(ن) قال يامرحابه
هذا الكلام ولالنا عنه مجناب=مادار في فكري كتبته كتابه