ديوان الشاعر سالم البشري

نبض الوجود=
ونّيت من روح مجروحه =ترجى الدوا بيد غاليها
واحبار الاقلام مسفوحه =مالقيت لي شخص قاريها
سالم البشري=
مالومه اللي نثر بوحه=ولاّ شكى آلام خافيها
وان كان الاقوال مسموحه=آنا لك الأذن مصغيها
نبض الوجود=
بعد التقت روحي وروحه =وتمازجت والهوى فيها
فجأه بدا يهدم اصروحه =اللي له اسنين يبنيها
سالم البشري=
ماكل الايام مملوحه=مجنونها عكس صاحيها
حاول ترده لمصلوحه=وتعيد صافي مباديها
نبض الوجود=
أقفى والاوضاع مشروحه=بيّنت له كيف آعانيها
واليوم الاصوات مبحوحه=تندب علي يوم ماضيها
سالم البشري=
زلاّت الاحباب مدموحه=لاتضيّع أحلام راجيها
ومادام الابواب مفتوحه=حاول تجدد مساعيها
نبض الوجود=
تعبت جيّات والروحه =ادوّر آثار يمشيها
كنّي أعيش الهوى لوحه =اللون الاسود يغطيها
سالم البشري=
كبائر الود مصفوحه=لو تحرق النار واطيها
واللي يدوّر شفى جروحه=يصبر على روح شاريها
نبض الوجود=
ماتـصـبـر قـلــوب ملـفـوحـة=بـالــود والـشــوق صالـيـهـا
وعيون الاحباب مفضوحة=صـــارت تـحــدث بخـافـيـهـا
سالم البشري=
سالم علي يقول منصوحه=ياللي له الحال شاكيها
ماكل من نال مربوحه=في كل حاجه يسوّيها
ومن طاوع القلب فجموحه=روحه بتكبرمآسيها
والشوق لامن طغا فوحه=نيرانه الوصل يطفّيها