من اجمل عشر كسرات من وطنياتي..

(ماهية الدوله)=
المملكه احسن الاوطان=الشرع دستور حاكمها
يالدين دعم لها الاركان=وبالعلم اسس تقدمها
(اليوم الوطني تسميه ومسمى)=
نادى الموحد يوحدنا=واحد وخمسين هجريه
ورفرف علم رمز دولتنا=ان اسمها السعوديه
(بمناسبة مرور 80 عام)=
مرت ثمانين حوليه=وكل يوم احسن من الاول
سته ملوك السعوديه=من ساس مبدأ مايتحول
(للاطفال نقول)=
هذا ملكنا مافي مثله=يرعى المواطن في كل امره
الشعب كله فدا لجله=يارب بارك لنا فعمره
(تجديد العهد والوعد)=
سلام ياخادم الحرمين=سلام ثاني لولي عهده
وسلام ياثالث الاثنين=الشعب جدد لكم وعده
(السياحه في السعوديه)=
المملكه اجمل الاوطان=اجمل سياحه ياتاركنا
حذراك ترجع لنا تعبان=تتعبك روحك وتتعبنا
(تسميه وجنسيه)=
السين دوله سعوديه=والعين مفخر عروبتنا
والواو وحده قياديه=والدال لله دعوتنا
(للوطن ترخص الارواح)=
حنا لها حزة الضيقه=ترخص الارواح لادارت
الذل والهون مانطيقه=نزيد قوه اذا طالت
(حدودنا غاليه)=
عند اللقا صلب تاجدنا=في كل جبهه نشب النار
ونقول لناس حددنا=وندق فحدودنا مسمار
(انا وطني)=
افخر واقولك انا وطني=بكل انتمائي سعوديه
بالدين والعهد تربطني=مامثلها فيه جنسيه