مع الشاعر الرائع القناااااص 2020

القناص2020=
سـلام ياشاعـر النخبـه=يارمـز فالقيـل والابـداع
مسكين يشكي لكـم غلبـه=يبغى دوا يبري الاوجـاع
أبــــو ذيـــــاب=
يامرحبـا والسعـد لـبـه=من قلب نبعه صفى ينـذاع
وان كان تبغى دواء طبّـه=أشرح لنا كامل الأوضـاع
الــقــنــاص2020 =
اللي سقانـي عسـل حبـه=ويقول انه فحبـي ضـاع
اليوم اشوف اختلف دربـه=وذاك الوصل بدله بقطـاع
أبــــو ذيـــــاب =
بحر الهوى يختلف عذبـه=ويجلِب على العاشقين صراع
ومهما حصل منه لا تكبـه=زيده وصل فوق قده صاع
الــقــنــاص2020 =
فتـواك ياشيخنـا صعبـه=وخصوص لاكنت انا جزاع
اخاف لاجيت مـن سبـه=وتضيق عندي وهن وساع
أبــــو ذيـــــاب =
مابغاك تخسـره وتسيبـه=وتزيد نـار الألـم أربـاع
أبحث عن أسبـاب الشبـه=ويبان لك بالعتب مطـلاع
ولو صار صعبـه تقنعبـه=عندي حكم ماعليه اِجمـاع
أشري الذي يودكـم قلبـه=وبالرخص بيع الذي بيـاع