عاد عيدك ياوطنا كل عام

سلام قصيدة باليوم الوطني كتبت اليوم ارجو قبولها

عاد عيدك ياوطنا كل عام=عيدك انت افراحنا واعيادنا
كلنا من دونك انشد الحزام=تفتديك ارواحنا واجسادنا
لوتروح اضلوعنا دونك احطام=ماتهون ولاتهون امجادنا
انت جوك امن وانسامك غرام=انت أمنك هو لحاف ارقادنا
وانت رمزن للعداله والسلام=سيف عدلك في وجيه اضدادنا
كل صاحب حق عندك مايضام=مهتنين ابشربنا وابزادنا
احمدالله واشكره رب الانام=الله للي عزنا فاابلادنا
رايتن بالله والحق النضام=للمعادي معلنين اجهادنا
يسقط الارهاب ملعون الرسام=يابلاد ابأنا واجدادنا
الطيور للي تخافق فالظلام=ماتزحزح كورنا واشدادنا
عشت في خير ومعزه وحترام=تحت حكم للي سعى لسعادنا
المليك ابن المليك ابن الامام=مع طريق ابوه قبله قادنا
صفنا واحد ولافيه انقسام=الامن بااخوان نوره سادنا
اهل العوجاء مروية الحسام=حكمهم أمن المعزه زادنا
وعاد عيدك ياوطنا كل عام=عيدك انت افراحنا واعيادنا