ياعضيد الجنب يارس السنان=ويش ترجا من مذعين الإذاعه

السلام عليكم ورحمة الله وبركاته
"
"
"

.................................................. .........

قال فواز الحقايق بالبيان =من هجوس ن ماتعرف الإنخداعه
من يقول الحق عِزْ ولا يهان=ولا يقول الحق من عنده طماعه
ياعضيد الجنب يارس السنان=ويش ترجا من مذعين الإذاعه
سرك المكنون في شام ويمان= لجل من جبته لسرك غدر باعه
ويش ترجا من عصاة الخيزران =ماتوكيك فطريق أهل السناعه
مايوكي غير مليان البطان= مايهز إليا الهوا حرك ذعاعه
انظر بعينك وشوف العقربان =كل منهو مسها مست ذراعه
ماعليها لوم.. لوم البهلوان=مير بعض الناس ماعنده قناعه
ولا تقرب من شبيهين الحصان=ماتسر فعولهم عند الشجاعه
أركب اللي لا نهض جاب الرهان =أسمه المذكر مقرون ابراعه
وإن ورت البير فحبالك متان =والرموث من الحبال أرجاانقطاعه
وأنت ذيب(ن) خابرينك لك مكان =كم ردي ن صوتك المشهور راعه
وأنت درعي في تهاويل الزمان = الجبل ماهمني بك اقتلاعه
جاك مرسولي على حرف ومعان = واختم بذكر النبي راع الشفاعه