ديوان الشاعر سالم البشري

((( زهورات )))

حاولت اخفف على نفسي=من غير ماينشغل لي بال
لكن تأثيره النفسي=في داخل الروح قال وقال
$$$$$###**###$$$$$=
حيرة فكر وانهزام حروف=ماعبّرت وقت حاجتها
مالومها والنظر مخطوف=من يوم مالعين شافتها
$$$$$###**###$$$$$=
ما ابغاك تنقص فعيني يوم=يشهد علي رب من فوقي
ولاودّي انّه يجيك اللوم= من ناس أو تشتكي عوقي
$$$$$###**###$$$$$=
بسمة فؤادي تبا تشرق=على مُحيّا زمان الهم
لكن جفاف الأسى المحرق=عيّت جروحي منه تلتم
$$$$$###**###$$$$$=
لو كانت العين تتكلم=مااستنطق الشوق نيراني
ولاكان خليّت تتألم=مصارع الوقت فاعياني
$$$$$###**###$$$$$=
قلبي قنع كان واستكفى=ماعاد يبغى معاك جدال
يكفيه وفّاك مااستوفى=حتى انتظار المسافه طال
$$$$$###**###$$$$$=
الحرف صغته من الاعماق=بقدوم الاحباب خطّيته
غنابه الخاطر المشتاق=ومن فرحتي زدت غنّيته