فواز الزويهري و عبد العزيز الزويهري(( ماشوف فادوا الأطبا فيك ))

السلام عليكم ورحمة الله وبركاته

لقد شرفني في داري ليلة البارحة بعد صلاة التراويح

الشاعر الأنيق عبد العزيز الزويهري وعدد من أبناء العم الكرام

وإليكم بعض ما جاء من أدب في تلك الليلة

أرجو أن ينال القبول والرضى


فواز الزويهري

ما شوف فادوا الأطبا فيك =لا زال جرحك يقطَر دم
كيف العمل كيف واخليك =تمشي مع الناس مابك هم

رد عبد العزيز

ماكل وصفة دوا تعطيك =ناتج على كل ماتهتم
وإن كان تبغى الدوا لآخيك=خلك معه كل ما يزهم

اللحن

فواز الزويهري=
يامرحبا طاب هذا الليل =والعود الأزرق عليكم فاح
تقدير منا لكم تكميل=والحرف باقي إلى الإصباح
عبد العزيز الزويهري=
عسا البقا ياهل التبجيل=والطيب من طيبكم وضاح
ومن قلب دايم معاك يميل= يمشي معك والنفوس صحاح
فواز الزويهري=
لولاك فاهم وعندك حيل= ما جيك توقد لي المصباح
ثالث سنه وزننا بالكيل=من مر الأيام والأتراح
عبد العزيز الزويهري=
ابشر ولك عندنا تحصيل =كل ما فؤادك علينا صاح
وقدامها عطني التفصيل=حتى لو الوقت ضدك شاح
فواز الزويهري=
كني لحالي في هذا الجيل=وإليا تصاحبت مع أشباح
والدار فيها الظلام مهيل=ووحوش ماتندفع بسلاح
عبد العزيز الزويهري=
خابرك مثل الأسد حلحيل=صدرك كما الدرع لرٌماح
وفي طرقته مايرده سيل =ولعداه دايم سهم ذباح
فواز الزويهري=
السد مارد نهر النيل=وبحر العرب فوقنا يجتاح
حتى غرقنا ونبا منديل=ونطلب لهذا الألم جراح
عبد العزيز الزويهري=
ماغيره الله له التوكيل=مادام فيك الألم سواٌح
ياكم منه شكى من ويل=وما شاف إلا الصبر مفتاح