لحن بين الشاعرين سرور البشري وماجد ابو مديده

سرور البشري =
اعداد من فالبحور يمد = ويبحر ويرسي فشطأنه
من فكر راسي سلام يعد = جديد توه لربانه
ماجد البو مديده=
حنا هنا فالبحور نسد = اعداد غزره وحيتانه
ترحيب يا من نعدك ند = لاصرت قادر على شانه
سرور =
معلوم لاتحسب انك ضد = كم اغرق البحر قبطانه
عسا البقا وانت لاتبعد = محسوب واحد من اخوانه
ماجد=
ضدا على من يخون الود = اخوك فارس فميدانه
لاتخاف يا سرور واستنجد = لو يعلن الوقت عدوانه
سرور=
فنظامه الود كم اجهد = ورجال ضاعت علشانه
ما فيه تأمين ونجدد = لقلوب بالحيل عطشانه
ماجد =
لو تعرف الود وقت الجد = ما يجهدك جور حيانه
احزم امورك معه ياعد = قدام لايضيع نيشانه
سرور=
لو كان خاتم معك فاليد = وتقول داخل معي خانه
للقلب سهمه يجي مرتد = ويكفيك قيس اعلن جنانه
ماجد=
راع الهوى ما يخاف النقد = له قلب في يدين سجانه
ان كان عنده امل فالغد = ما يطري الخوف بلسانه