ماعاد تفرق معي ياناس=دامه على حال سراها

=عمار
ماعاد تفرق معي ياناس=دامه على حال سراها
والله من الهم لايتحاس=ويردها صوب مجراها
=ابو تركي
عندي كونتر فوسط الراس=ياما قرارات اجراها
فالقيل لا دقت الاجراس=تفرق مع استاد قرّاها
=عمار
دولة اسى من هموم ويأس=تبـكـي مدنـهـا مـــع قـراهــا
كيف اتخلص مـن الوسـواس=والـحــب فـالـقـلـب يـبـراهــا
=ابو تركي
عذب المعاني لها حراس=داخل قوافيه تدراها
فالعاصمة داخل الاحساس=كتف يمينك بيسراها
=عمار
العـرق ياصاحبـي جـسـاس=لاهام في النفـس واغراهـا
قلبي تعذب من الهوجاس=وامــالـــه الــلـــي تــحــراهــا
=ابو تركي
كتبت حرفي على القرطاس=لعل الاجيال تقراها
فالود ياما رفعت الكاس=لين اصبحت داخل اسراها
صورت جرحي على الكراس=صورة من ادموع ورّاها
بعض القوافي ذهب والماس=حتى مشاعرك ضراها
درب الهوى اسلكه بقياس=مهما تعذبت واطراها
عين الشقي تشكر الجلاس=فغيابها الشوق برّاها