يا حرب خابرك تفهمها ...............

حفيد الحجيري=
يا حرب خابرك تفهمهـا=لو كان جاتك على الطاير
بعض العرب فاتحه فمهـا=ما تعلم افبيتها اش صايـر
حرب=
مهما اتلاشى معالمهـا=ماكون دون الهدف حاير
واللي ماتفهم نفهمهـا=ان الخطر حولها دايـر
حفيد الحجيري=
شرواك الأهداف يرسمها=ويصيبها فكـره النايـر
تعال بالحرف نخصمهـا=على حسب نهجنا الساير
حرب=
دوله غزتنا بحاكمها=اللي على اهدافها تعاير
لابد مانحطم اسهمها=ونزيد من جرحها الغاير
حفيد الحجيري=
لازم نحجمّ زعايمهـا=وناقف لها موقف الغاير
ما ننخدع في تبسّمها=ولا نآمن الغادر الباير
حرب=
حنا الرساله نسلمها=للي نعرفه يجي غاير
اللي بدوره يعممهـا=المسأله ماتبى مساير

يا سلام يا سلام
يدي بيدك ويدين شرواك من الرياجيل ونوصل الرساله ان شاء الله


صح لسانك يا حرب ،،، تشرفت بمحاورة شاعر قدير شرواك

الى لقاء آخر

ودمتم