اناااا فبحر الشعر يااااادوووب

الاستاذ=
سلام لهل الشعـر محسـوب = محسوب حجمـه ومنسوبـه
آنا فبحـر الشعـر يـااادوب = وابغى معي شخص ياااا دووبه
محمد سعد اليوبي=
يا استاذ ترحيب بك مكتوب = يسبـق تراحيـب مكتوبـه
من قلب إن كان به عذروب = طيب النبا كـل عذروبـه
الاستاذ=
دام البقا عشت يالموهوب = ياراس من روس موهوبه
نبغى نصيغ المثل باسلوب = من قلب ماتعرف اسلوبه
محمدسعداليوبي=
ياعد ياطيب المشروب = ما غثبر الوقت مشروبه
كلٍ ليا شال بالمسحوب = ياخذ على قد مسحوبـه
الاستاذ=
لي حظ ياصاحبي معطوب = من بعده الحـال معطوبـه
عايش وهم فالزمن مسلوب = يوم انها الروح مسلوبـه

الاخ القديرالاستاذ والاخ العزيزابوهاني

صحت السنتكم مليون وبيض الله وجيهكم

محاوره بدع ورد في قمة الجمال والروعه الله يعطيكم العافيه متابعين الابداع

تقبل تحياتي وتقديري