ياراكب اللي من الخوبه سرى عجلي

ياراكب اللي من الخوبه سرى عجلي=عقاب ليل وقبل صوت المواذيني
اقطم خشم مايداني لمست الرجلي=فكسار مادوجو فيه المساكيني
مصممه مايعرف الغش والدجلي=لو مايصلي مع الناس المصليني
ماحملته قات والا حملته فجلي=مافوقه الا رسولي للمحبيني
قدام نور الصباح الليلنا يجلي=متعدي الدرب جعله للبراكيني
متوجهٍ صوب ديرة عاشق ٍ وجلي=داراً سكن في كنفها قرت العيني
اللي ليا سلهمت بعيونها النجلي=اضيع بين الشفايف والحجاجيني
غرواً زها الماس والياقوت والحجلي= منتوقة العنق شمعه للمزاويني
طبعه كلامه قليل وان هرج خجلي=واليا سكت فيه من صمت السلاطيني
يابو سعد ليت مالله يقظي الاجلي=قدام لاشوف من حبه معنيني
من دونها يالرياحي خيل تسرجلي= واقف بدربي بعيدين وقريبيني
ودي بعلم ٍ يطمني ويفرجلي= حاول لنا بحل يرضيهم ويرضيني
حاول تطفي سنا نارٍ توهجلي=سدد وقارب عسى ترجح موازيني
وان كان عيت تساوالي وتدرجلي=الحل عندي برشاشي وسكيني