مع اخوي الغالي بحرالكسره(من يطلب الله مارده)

ابومبارك اليوبي=
ياشوق صبري وصل حده=صابر على حظي الجاير
اشواق ثارت على جده=ياليتني يمها طاير
بحر الكسره=
لاباس وان طالت المده = خلك على وصلها زاير
من غاب لابد من رده = يقضي على شوقها الفاير
ابومبارك اليوبي=
مادام باب الامل هده=الحظ ياصاحبي عاثر
احوالنا اليوم مشتده=من شافني قال يــاساتر
بحر الكسره=
سيف الامل برجا حده = يجيك باب الفرج داير
تجيك الاقدار مرتده = القلب من فرحته ناير
ابومبارك اليوبي=
كيف الرجا والامل ضده=واقول يارب ياقادر
هجمات الاشواق منصده=بركان وسط الحشى ثاير
بحر الكسره=
بالصبر تلقى الدوا نده = جاك الامر بالفرج صادر
من يطلب الله مارده = يفك امر الذي حاير