~{ ضاع الدم يالجاني }~

السلام عليكم

,’

عزمت امسح دمع اليوم ياعين تعزّينه=كفاكِ دموع ياعيني ترا هذا الزمن فاني
محد باقي على دمعه وكلن نفّض ايدينه=معاد إني معا جرحي يناديني ويهواني
دقائق حاورة فكري تود الجرح وسنينه=تنده لي على ماضي تبي ارجعله من ثاني
صعب اني انا ارجع واذوق المر كاسينه=صعب اعود للدمعه واقضي عمري وحداني
,=,
انا ياجرح متعني في دنيا ما بها بينه=حضن الهم جرّحني وسيف الدمع آوآني
رحل خلّي من الدنيا رحل والدمعه في عينه=رحل ما قال لي برحل بغيب وانت انساني
صبرت اقول بيرجع ويرد الدمع من حينه=عمري يمر وانا اقول بيرجع ويلقاني
طعن الشوق قطّعني وتذبحني سكاكينه=وانا صابر على حزني اواسي كل حرماني
,=,
هذا الحين فارقني وتناسا شوق مغلينه=وصرت آنا بقى ذكرى من اقفى وخلاني
محد باقي يواسيني سوى جرحي وقافينه=قصيده بدمع اكتبها تواسي همي العاني
ثلاث سنين يذوقني كؤوس المر بيمينه=وإذا غصّيت من مرّه لحقني بكاس ملياني
انا وين التقي سعْدي ..يادمعه وين تلقينه=قَتْلِكْ ماعليه شهود وضاع الدم يالجاني
,=,
دنيا مالكي صاحب .. جرح الظلم تدمينه!=تعبنا ما تناسينا جروحك والالم باني
مشينا في مسافاتك شقينا فيك وابلينه=كلن متعبه همّه وكل جرح(ن) بعنواني
تأمل خير ياجرحي بكره تزين لي سنينه=ويرجع لي مع شوقه ويكحّل لي اعياني
خبرتك ماعليك قصور من عافك تعافينه=إلا صاحبي هذا بكيت فراقه اشقاني

مشهور نافع القليطي
غيرالبشر
~>لزيارة القصيده بالديوان اضغط هنا <~
~>لزيارة الديوان كامل اضفط هنا<~
,’